Топ-100
Back

ⓘ వళువూర్ బి. రామయ్య పిళ్ళై. ఇతడు 1910వ సంవత్సరంలో పార్థీబన్, భాగ్యవతమ్మాళ్ దంపతులకు తమిళనాడు రాష్ట్రం వళువూర్ గ్రామంలో జన్మించాడు. ఇతడు నట్టువాంగం, భరతనాట్యాలను ..




వళువూర్ బి. రామయ్య పిళ్ళై
                                     

ⓘ వళువూర్ బి. రామయ్య పిళ్ళై

ఇతడు 1910వ సంవత్సరంలో పార్థీబన్, భాగ్యవతమ్మాళ్ దంపతులకు తమిళనాడు రాష్ట్రం వళువూర్ గ్రామంలో జన్మించాడు. ఇతడు నట్టువాంగం, భరతనాట్యాలను తన మేనమామ మాణిక్య నట్టువనార్ వద్ద నేర్చుకున్నాడు.

                                     

1. వృత్తి

ఇతడు భరతనాట్యంలో కొత్త కొత్త ప్రయోగాలు చేసి ప్రశంసలు పొందాడు. చోళుల కాలం నుండి ఇతని పూర్వీకులు ప్రదర్శిస్తున్న వళువూర్ బాణీని ఇతడు కొనసాగించాడు. ఇతడు ఈ బాణీని విశ్వవ్యాప్తంగా ప్రచారంలోకి తెచ్చాడు. ఇతడు రామనాటక కృతి, త్యాగరాజ స్వామి కృతులు, భారతీయార్ గీతాలు, కుట్రలక్ కురవంజి, అరుణాచల కవి పాటలు, ఊటుక్కాడు వెంకటకవి పాటలను ఇతడు భరతనాట్యం ద్వారా ప్రదర్శించాడు.ఇతడు స్వంతంగా కొన్ని శబ్దాలకు, వర్ణాలకు, జతిస్వరాలకు, తిల్లానాలకు నాట్యరూపం కల్పించాడు. ఆ రోజులలో బ్రిటీష్ వారు నిషేధించిన భారతీయార్ దేశభక్తి పాటలను ఇతడు నృత్య రూపకాల రూపంలో తన శిష్యుల ద్వారా ప్రదర్శింపజేసి స్వాతంత్ర్యోద్యమానికి తన వంతు సహాయం అందించాడు.

                                     

2. కుటుంబం

ఇతడు జ్ఞానసౌందర్యంను వివాహం చేసుకున్నాడు. వీరికి జయలక్ష్మి, సామ్రాజ్, మనోహరన్, గురునాథన్, భాగ్యలక్ష్మి, మాణిక్య వినాయగం అనే సంతానం కలిగింది. వీరిలో సామ్రాజ్, భాగ్యలక్ష్మిలు నాట్యకళాకారులు కాగా, మాణిక్య వినాయగం సినిమాలలో పాటలు పాడుతున్నాడు.

ఇతడు, ఇతని కుమారుడు సామ్రాజ్‌ల తరువాత ఇతని మనుమలు ఎస్.పళనియప్పన్ పిళ్ళై, సామ్రాజ్ కుమారన్, మనుమరాళ్ళు ఎస్.కళా సామ్రాజ్, శ్రీదేవీ సెంథిల్‌లు ఇతని అడుగు జాడలలో నడుస్తూ వళువూర్ బాణీని ప్రచారంలోకి తెచ్చారు.

                                     

3. శిష్యులు

ఇతని శిష్యులలో కొందరు:

  • అమలా శంకర్
  • రీటా
  • కుమారి రాధ
  • వైజయంతిమాల
  • పద్మా సుబ్రహ్మణ్యం
  • చిత్రా విశ్వేశ్వరన్
  • రాజసులోచన
  • కుమారి కమల
  • ఇ.వి.సరోజ
  • ఎం.భానుమతి
  • రాధా విశ్వనాథన్
  • కనక శ్రీనివాసన్
  • లలిత-పద్మిని-రాగిణి
  • హేమమాలిని ఆర్ని
                                     

4. అవార్డులు

ఇతనికి లభించిన పురస్కారాలలో కొన్ని:

  • 1961లో తమిళ్ ఇసై సంఘం వారిచే ఇసై పెరారిజ్ఞర్
  • నాట్యకళా కేసరి
  • 1966లో సంగీత నాటక అకాడమీ అవార్డు
  • పద్మశ్రీ
  • కళైమామణి
  • 1979లో సంగీత కళా శిఖామణి
                                     

5. మూలాలు

  • Reference about Poet Vali
  • Descendant of an illustrious tradition
  • Lions lineage
  • Vazhuvoorar Classical Bharathanatya Arts Centre
  • Shree Vazhuvoorar Classical Bharathanatya Arts Academy-REGD
  • Thinakaran Yaazh Pongal Festival
  • Vazhuvoorar School of Classical Dance & Music